لسانك حصانك
(( من ضمن سلسلة مواضيع رافعيات الجمعه ))
الموقف الأول
في صباح احد الأيام طلب مني والدي الذهاب معه لأحد البنوك , وذلك ليأخذ مستحقات التقاعد من ذلك البنك .
خرجت مع والدي وذهبنا الى البنك , توقفنا أمام البنك مده تزيد عن النصف ساعه حتى فتحت أبواب ذلك البنك .
توقعت أنه سيشتد الزحام في البنك بعد لحظات , وذلك لأن اليوم يصادف يوم للأكتتاب في أحد الشركات , ولكن تفأجات بخلو البنك من زبائنه .
دخلت البنك مع والدي وبعدها ذهب والدي لأحد مقدمي خدمة العملاء في البنك لكي يفتح له حساب في البنك , وذهبت أنا وجلست في كراسي الأنتظار والتي تقع أمام شباك صرافين البنك .
بعد أن أنتهاء والدي من فتح حساب لدى البنك , ذهب ليستلم مستحقاته من أحد الصرافين .
وبينما أنا جالس أذ بشاب يرتدي ملابسه العسكريه ويجلس في المقعد الذي بجواري .
بعد لحظات دار بيننا حديث بيني وبين ذلك الشاب أترككم في مخض ذلك الحديث .
العسكري : آآآه ياالقهر (( ويضرب كف بكف ))
أنا : عسى ما شر ياخوي وش فيك مقهور ؟؟
العسكري : ياخي الدنيا هذي مافيها خير !!
أنا : ليه تقول كذا ياخوي ؟؟
العسكري : تشوف ذاك الشايب اللي واقف عند شباك الصراف << ويأشر بيده نحو والدي !!!!!
أنا : أيه أشوفه وش فيه ؟؟ (( لم أبين له أنه والدي حتى أرى مايخبي في جعبته ))
العسكري : تصدق أن هذا الشايب مليونير ؟؟ وعنده ملايين الدنيا
أنا : طيب أنت تعرف هالشايب ؟؟
العسكري : لا ؟؟
أنا : طيب وش عرفك أنه مليونير ؟؟؟؟؟
العسكري : أنت شوفه جايب دفتر العائله وجاي يكتتب في شركه نادك مع أن السهم ب500 ريال وأنا وأصدقائي قاطين قطه عشان نساهم , وهو معاه أكثر من دفتر عائله مشتري أسمائهم عشان يساهم .
أنا : طيب ياخوي ماهو شرط أنه مليونير .
العسكري :ياخوي أنا أعرف هالأشكال زين , أتحدى أذا مو رصيده على الأقل 15 مليون
, ومعاه جمس مافيه مكيف وعياله ينتظرونه بالجمس وذابحهم الحر , وباقي أهله ينتظرونه في الخرابه اللي ساكنين فيها 
.أنا : لا ياخوي شكلك ظلمته
.العسكري : ياخوي أسمع هالسالفه وبعدها قلي وش رأيك .
أنا : تفضل كلي أذان صاغيه
العسكري : في أحد الأيام رحت للبنك , لقيت واحد قدامي , ملابسه رايحه فيها , فقير بمعنى الكلمه , وتشوف من قزاز البنك عياله وهم في الددسن ذابحهم الحر وحتى والله ياخوي واحد من عياله نازل من السياره وماهو لابس نعال (( تكرم ))
أنا أستغربت من الوضع , الشايب هذا وش جايبه للبنك , بعد لحظات جاء رقمه وراح للصرافين وأودع مبلغ , في البدايه كنت أتوقع أني أتوهم والمبلغ اللي عطاه الصراف ماهو حزمة فلوس من نوع 500 ريال
وبعد ماخلص وجاء دوري , رحت للصراف وسألته وحب الفضول مازال فيني , قلت للصراف ممكن أخوي سؤال ؟؟
قالي الصراف : تفضل أخوي .
قلت للصراف : ياخوي وش سالفة هالشايب , شكله شحات وكأني شفته أودع مبلغ أكثر من 2000 ريال ,
قال الصراف والأبتسامه تملاء وجهه
: شحاذ ؟؟ ياخوي هذا مليونير والحين أودع 14000 ريال .وأنا ماصدقت كلام الموظف الا لما حلف لي أن رصيد الشايب فوق الخمس ملايين
وأكيد الشايب هذا اللي قدامنا (( وقصده أبوي
)) أكيد أنه مثل ذاك الشايب .قلت وأنا (( وماسك الضحكه )) : ماتدري ياخوي
.المهم وحنا جالسين جالس يتكلم عن البخل , وأن شكل أبوي ظالم عياله اللي أنا أحدهم
وأكيد عياله قاطين في سياره قرنبع على قولته 
, وأن أبوي من الأشخاص اللي يلعبون في سوق الأسهم وغيره من الكلام .بعد لحظات أنتهى أبوي من أخذ مستحقاته , وفي أثناء مروره بجنبي قالي : يالله مشينا ياعقيل .
قلت والأبتسامه تملاء محياي
: يالله أنا جايك يايبه .التفت على العسكري اللي جنبي وماعرفته , وجهي صار يعطي الوان , ماهو مصدق اللي شافه , ومنحرج من الكلام اللي قاله .
قلت له : يالله مع السلامه , بس ياليت مره ثانيه ماتذم أحد في ظهره , أبوي لا هو جاي يكتتب ولا هو جاي يبيع أسهم , أبوي تقاعد من فتره وجاي يستلم مستحقاته .
وبالنسبه لصور كروت العائله اللي بيده , هو مايعرف النظام بالبنوك وجايب كم صوره لدفتر العائله في حال طلبوه البنك منه .
ولاعنده ملايين ولا هو بخيل على عياله
قال وهو يتلعثم : اسف ياخوي وأبشر بالحق ومايلحق , بكره تجينا باأستراحتنا أنت وشايبك وأخوانك وأعتذر لكم قدام جماعتي
.قلت : ياخوي أنا ما أدور علوم قبايل , بس ياليتك تحسن الظن وتعرف في أي شي تتكلم لو حبيت تتكلم , ماهو تتكلم بس للكلام وتضييع للوقت , وأنا مسامحك ومابي منك الا أنك ماتذم أحد بظهره ولا تتكلم عن شخص الا لما تعرف من يكون , يالله مع السلامه تأخرت على المليونير عفواُ تأخرت على الولد
.الموقف الثاني
في أحد مستشفيات وطننا العزيز , كان متواجد في أحد مكاتب ذلك المستشفى شاب يدعى خالد , تسلل الملل لقلب خالد من جراء جلسته في المكتب وقرر أن يذهب في جوله سريعه في ( ممرات ) المستشفى , عل وعسى يذهب الملل وبعض الوقت من خلال سيره في ( ممرات المستشفى )
خرج خالد من مكتبه , وبعد خروجه بلحظات شاهد فتاتين تقفان خارج مكتب أحد أصدقائه , حاول معاكسة الفتاتين على عجل ولكن لم يبديا له أي رغبه في مراده .
ذهب الى مكتب صديقه وعيناه تتفحص البنات ولاتكاد تغادرهما .
دخل مكتب صديقه وأغلق الباب خلفه , وقال : لايفوتك يا عبدالله بنتين مثل القمر واقفين برى عند باب مكتبك .
سعيد : طيب وش تبيني أسوي
.خالد : وش تسوي ؟؟ أقولك قوم خلينا نعطيهم أرقامنا
سعيد : الحمدلله أرقامي عند البنات وما أحتاج أعطيه أياهم
.خالد : شكلك شبكتهم وخلصت ؟؟
سعيد : عيب عليك ياخالد , فيه أحد يشبك خواته ؟؟
خالد : هاه
؟؟؟؟؟؟؟؟ يالله مع السلامه 
نصيحه
لاتتكلم عن أي شخص بسوء دون أي معرفه كامله عنه .
وعلى قولة المثل :
(( لسانك حصانك , أن صانته صانك , وأن خنته خانك ))
تقبلوا تحياتي
ليست هناك تعليقات:
إرسال تعليق